India Morning News
नागपूर –
शहरात लग्नाचे आश्वासन देऊन तरुणीची दीड वर्षाहून अधिक काळ फसवणूक व अत्याचार झाल्याचा गंभीर प्रकार उघडकीस आला आहे. राणा प्रताप नगर पोलिसांनी प्रकाश पुरुषोत्तम बाहेकर (वय 26, रा. कामगार कॉलनी) या युवकाविरुद्ध गुन्हा नोंदवला आहे.
2016 मध्ये एका लग्नसोहळ्यात आरोपी आणि पीडितेची ओळख झाली. मैत्री वाढत गेली आणि आरोपीने लग्नाचे आश्वासन देत तिला भावनिकदृष्ट्या जखडले. फिर्यादीत नमूद केल्याप्रमाणे, 30 मे 2023 ते 12 नोव्हेंबर 2025 दरम्यान शहरातील विविध हॉटेल्समध्ये बोलावून आरोपीने तिच्यावर जबरदस्तीने शारीरिक संबंध लादले.
पीडितेने विवाहाचा विषय काढताच आरोपीने धमक्या, शिवीगाळ आणि मारहाण केली. इतकेच नाही तर तिचा जीव घेण्याची धमकी दिल्याचा आरोपही करण्यात आला आहे.
सहनशक्तीचा कडेलोट झाल्यानंतर तरुणीने अखेर धाडस करून तक्रार दाखल केली. पोलिसांनी आरोपीविरुद्ध भारतीय न्याय संहिता (BNS) कलम 69, 115(2) आणि 351(3) अंतर्गत गुन्हा नोंदवला आहे. पुढील तपास सुरू आहे.
ही घटना नागपूरमध्ये महिलांच्या सुरक्षेच्या प्रश्नांकडे पुन्हा एकदा गंभीरपणे लक्ष वेधणारी ठरली आहे.
