दिवाळीपूर्वी शेतकऱ्यांच्या खात्यात थेट मदत; मुख्यमंत्री देवेंद्र फडणवीस यांची घोषणा

Share News:

मुंबई : महाराष्ट्रातील शेतकऱ्यांना दिवाळीपूर्वी थेट मदतीचा वर्षाव होणार आहे.

राज्यात झालेल्या अतिवृष्टीमुळे तब्बल ६० लाख हेक्टर क्षेत्राचे नुकसान झाल्याचा प्राथमिक अंदाज वर्तविण्यात आला आहे. या पार्श्वभूमीवर मुख्यमंत्री देवेंद्र फडणवीस यांनी मंत्रिमंडळ बैठकीनंतर दिलासा देणारी घोषणा केली.

👉 मुख्यमंत्र्यांची घोषणा:

• शेतकऱ्यांना मदतीचा एकही पैसा दिवाळीनंतर थांबवला जाणार नाही.

• मदत थेट शेतकऱ्यांच्या खात्यात जमा केली जाईल.

• पुढील आठवड्यात या संदर्भात सविस्तर घोषणा केली जाईल.

👉 सरकारची मदत योजना:

• ऑगस्टपर्यंतच्या नुकसानीसाठी २,२१५ कोटी रुपयांचे वाटप सुरू आहे.

• ई-केवायसीची सक्ती न ठेवता, शेताच्या नोंदीवर आधारित मदत दिली जाणार.

• पाणी साचल्यामुळे काही ठिकाणी आकडेवारी घेण्यास उशीर झाला; मात्र दोन-तीन दिवसांत संपूर्ण माहिती उपलब्ध होईल.

👉 नुकसान भरपाईचा विस्तार:

• जमीन वाहून गेली असेल, विहिरींचे नुकसान झाले असेल, घरं उद्ध्वस्त झाली असतील – सर्व प्रकारच्या नुकसानीसाठी मदत दिली जाणार.

• ही मदत दिवाळीपूर्वी खात्यात जमा होईल.

👉 ‘ओला दुष्काळ’ संदर्भ:

• ‘ओला दुष्काळ’ अशी संज्ञा धोरणात्मक पातळीवर नसली तरी, दुष्काळी उपाययोजनांप्रमाणे सर्व सवलती व सुलभता लागू करण्याचा निर्णय घेतला आहे.

👉 केंद्र सरकारकडून मदत:

• राज्य सरकारने सांगितले की, केंद्राकडून मदत मिळणार आहे.

• मात्र तिची वाट न पाहता, राज्यस्तरावर निधी वितरित केला जात आहे.

• एकत्रित प्रस्ताव केंद्राकडे पाठवला जाणार आहे.

Share News: