महाराष्ट्रात आजपासून सुरु होणार इलेक्ट्रॉनिक बॉण्ड प्रणाली;महसूल मंत्री बावनकुळेंची घोषणा

Share News:

मुंबई: महाराष्ट्र सरकारने आजपासून इलेक्ट्रॉनिक बॉण्ड (Electronic Bond) प्रणाली सुरू करण्याचा ऐतिहासिक निर्णय घेतला आहे. महसूल मंत्री चंद्रशेखर बावनकुळे यांनी या निर्णयाची घोषणा केली. या उपक्रमामुळे कागदी बॉण्डवर अवलंबून राहण्याची आवश्यकता राहणार नाही आणि आयात-निर्यातदारांसह व्यापाऱ्यांना व्यवहार अधिक सुरक्षित, जलद आणि पारदर्शक पद्धतीने करता येणार आहेत.

फसवणुकीवर नियंत्रण

पूर्वी कागदी बॉण्डमधील फसवणुकीचे अनेक प्रकार समोर आले होते. मात्र आता ई-बॉण्ड प्रणालीमध्ये कस्टम अधिकारी आणि ग्राहकांच्या ई-स्वाक्षरीद्वारे तत्काळ पडताळणी होणार असल्याने अशा फसवणुकीवर नियंत्रण येईल.

डिजिटल आणि वेगवान प्रक्रिया

या प्रणालीसाठी National E-Governance Services Limited (NeSL) आणि National Informatics Centre (NIC) तांत्रिक सहकार्य देणार आहेत.
यामध्ये खालील सुविधा उपलब्ध राहतील:

• ई-स्टॅम्पिंग

• ई-स्वाक्षरी

• ऑनलाइन पेमेंट

• रिअल-टाइम पडताळणी

• डिजिटल रेकॉर्डिंग

या सोयींमुळे व्यवहार जलद, सुरक्षित आणि पारदर्शक होणार असून कायदेशीर मुद्रांक शुल्क थेट ऑनलाइन भरता येईल.

उद्योग व व्यापारी वर्गासाठी हा निर्णय मोठा दिलासा ठरणार आहे. कागदी कामकाजाचे प्रमाण कमी होईल आणि व्यवहारातील वेळ व खर्च दोन्ही वाचतील.

Share News: