India Morning News
नवी दिल्ली: महाराष्ट्राचे राज्यपाल सी. पी. राधाकृष्णन यांची भारताच्या 15व्या उपराष्ट्रपतीपदी निवड झाली आहे. राष्ट्रीय लोकशाही आघाडीने (एनडीए) त्यांना उपराष्ट्रपतीपदासाठी उमेदवार म्हणून जाहीर केले होते. उपराष्ट्रपतीपदाच्या निवडणुकीत त्यांचा विजय जवळपास निश्चित मानला जात होता, आणि आज केंद्रीय निवडणूक आयोगाने त्यांच्या विजयाची अधिकृत घोषणा केली. ही निवडणूक माजी उपराष्ट्रपती जगदीप धनखड यांच्या राजीनाम्यानंतर घेण्यात आली.
सी. पी. राधाकृष्णन हे तामिळनाडूतील तिरुपूर येथील रहिवासी असून, गेल्या चार दशकांपासून भारतीय जनता पक्षाशी (भाजप) संन्यासित आहेत. त्यांनी 1998 आणि 1999 मध्ये कोयंबतूर लोकसभा मतदारसंघातून खासदार म्हणून निवडणूक जिंकली होती.
तसेच, 2004 ते 2007 पर्यंत तामिळनाडू भाजपचे अध्यक्ष आणि 2020 ते 2022 पर्यंत केरळ भाजपचे प्रभारी म्हणून त्यांनी काम केले. 2023 मध्ये त्यांची झारखंडच्या राज्यपालपदी नियुक्ती झाली, तर 2024 मध्ये त्यांना महाराष्ट्राचे राज्यपाल बनवण्यात आले. आज झालेल्या मतदानामध्ये सी. पी. राधाकृष्णन यांची उपराष्ट्रपती म्हणून निवड झाली आहे.
Comments are closed