India Morning News
मुंबई : मराठा आरक्षणासाठी मनोज जरांगे पाटील यांच्या नेतृत्वाखाली सुरू असलेलं आमरण उपोषण आणि आंदोलन निर्णायक वळणावर आलं आहे. सरकारने आंदोलन आवरण्यासाठी हालचाली वेगवान केल्या असून, पोलिसांनीही धडाकेबाज पावलं उचलायला सुरुवात केली आहे. सुरुवातीला रस्त्यावरून वाहने हटवली गेली, तर आता छत्रपती शिवाजी महाराज टर्मिनस (CSMT) स्थानकात जमलेल्या आंदोलकांना बाहेर काढण्याची मोहीम सुरू झाली आहे.
न्यायालयाच्या आदेशानंतर पोलिसांची कारवाई आणखी कडक झाली. वरिष्ठ अधिकाऱ्यांनी थेट मैदानात जाऊन जरांगेंना नोटीस दिली आणि त्यानंतर हालचालींना गती मिळाली. स्थानकांवर उपस्थित आंदोलकांना “बाहेर पडा” अशा सूचना देण्यात आल्या असून, शहरातील दैनंदिन जीवन विस्कळीत होऊ नये यासाठी कडक उपाययोजना राबवल्या जात आहेत.
दरम्यान, मराठा नेते ठाम आहेत की रस्ते मोकळे केले तरी आझाद मैदानावरील आंदोलन सुरूच राहील. जरांगेंच्या आवाहनानंतर गर्दी व गाड्या मैदानाबाहेर हलवण्यात आल्या, तरी आंदोलनाच्या मुख्य केंद्राला आंदोलक सोडायला तयार नाहीत.
आता राज्यभराचे लक्ष पुन्हा एकदा उच्च न्यायालयाच्या सुनावणीकडे लागलं आहे. काल दिलेल्या निर्देशांचं पालन झालं का याची तपासणी होणार असून, न्यायालय नवे आदेश देते का याकडे उत्सुकतेने पाहिलं जात आहे.
Comments are closed