कोराडीतील जनसंपर्क कार्यालयात नागरिकांशी महसूलमंत्री चंद्रशेखर बावनकुळे यांचा संवाद; समस्यांचे निराकरण करण्याचे आश्वासन

Share News:

नागपूर: कोराडी,नागपूर येथील जनसंपर्क कार्यालयात महसूल मंत्री चंद्रशेखर बावनकुळे यांनी आज नागरिकांशी थेट संवाद साधत त्यांच्या विविध समस्यांचा आढावा घेण्यात आला. निराधार, दिव्यांग, ज्येष्ठ नागरिक, महिला, युवक यांच्यासह समाजातील सर्व घटकांनी आपल्या मागण्या आणि तक्रारी प्रत्यक्ष मांडल्या. यावेळी नवीन रस्ते, शेतजमिनीवरील अतिक्रमण, घरकुल योजना, पाणीपुरवठा, आरोग्य, क्रीडा, सांस्कृतिक, धार्मिक आणि आध्यात्मिक विषयांशी संबंधित निवेदने स्वीकारण्यात आली.

नागरिकांनी मांडलेल्या प्रत्येक समस्येकडे वैयक्तिक लक्ष देत त्या सोडवण्यासाठी तातडीने पावले उचलण्याचे निर्देश संबंधित अधिकाऱ्यांना देण्यात आले. यावेळी उपस्थित नागरिकांना त्यांच्या मागण्यांवर त्वरित कार्यवाही होईल, अशी खात्री देण्यात आली. विशेषत: ग्रामीण भागातील पायाभूत सुविधा, पाणीपुरवठा आणि आरोग्य सुविधांबाबतच्या तक्रारींना प्राधान्य देण्याचे आश्वासन देण्यात आले.

नागरिकांचा उत्स्फूर्त सहभाग

महसूलमंत्री बावनकुळे यांच्या जनसंपर्क कार्यक्रमाला नागरिकांचा मोठ्या प्रमाणात प्रतिसाद मिळाला. स्थानिक शेतकरी, युवक आणि महिलांनी आपल्या समस्या मांडताना प्रशासनाकडून त्वरित उपाययोजनांची अपेक्षा व्यक्त केली. विशेषत: शेतजमिनीवरील अतिक्रमण आणि घरकुल योजनेच्या अंमलबजावणीबाबत अनेकांनी चिंता व्यक्त केली. याशिवाय, क्रीडा आणि सांस्कृतिक उपक्रमांना चालना देण्यासाठी स्थानिक पातळीवर निधी आणि सुविधांची मागणीही करण्यात आली.

प्रशासनाची तत्परता

निवेदनांचा स्वीकार करताना प्रशासनाने सर्व समस्यांचे गांभीर्याने निराकरण करण्याचे आश्वासन दिले. यासंदर्भात संबंधित विभागांना तातडीने कार्यवाही करण्याचे निर्देश देण्यात आले आहेत. यावेळी उपस्थित अधिकाऱ्यांनी नागरिकांच्या समस्यांचे प्राधान्याने निराकरण करण्यासाठी कालबद्ध कार्यक्रम आखण्याचे ठरवले.

Share News: