India Morning News
कन्हान:- शिवशंभु आखाड्याच्या खेळाडुंनी नगरधन सिलंबम चैंपियनशिप स्पर्धेत सहभाग घेऊन १८ मेडल प्राप्त करुन द्वितीय क्रमांक पटकाविल्याने कन्हान परिसरातुन कौतुकाचा वर्षाव होत आहे.
छत्रपती बहुउद्देशीय संस्था नगरधन “बेटी बचाओ बेटी पढाओ ” कराटे ग्रुप नगरधन आणि धोपटे मित्र परिवार यांच्या संयुक्त विद्यमाने कोठेश्वर देवस्थान परिसर नगरधन येथे रविवार (दि.१५) जुन रोजी सिलंबम चैंपियनशिप स्पर्धेचे आयोजन करण्यात आले .
कार्यक्रमाचे अध्यक्ष राज्याचे राज्यमंत्री आशिष जयस्वाल , प्रमुख अतिथि जि.प.नागपुर माजी सभापती वर्षा धोपटे , नगरधन ग्रामपंचायत सरपंच माया दमाहे , उपसरपंच राम धोपटे , महाराष्ट्र थाय बाॅक्सींग असोसिएशन सेक्रेटरी अजय खेडगरकर , समाजसेवक नरेश धोपटे , इंडिया महिली गल्फ रेफ्री शुभांगी सहारे यांचा हस्ते छत्रपती शिवाजी महाराज यांचा प्रतिमेला पुष्प हार अर्पण करुन कार्यक्रमाची सुरूवात करण्यात आली . या स्पर्धेत रामटेक आणि पारशिवनी तालुक्यातील एकुण ८ टीम ने सहभाग घेतला होता .
कन्हान परिसरातील शिवशंभु आखाड्याचा खेळाडुंनी कोच अनिकेत निमजे यांचा मार्गदर्शनात नगरधन सिलंबम स्पर्धेत सहभाग घेतला . भावेश मस्के (स्वर्ण पदक) , त्रिशिका कारस्कर (स्वर्ण पदक) , आनंदी मोहोड (रजत पदक) , अंशू मेश्राम (स्वर्ण पदक) , अंतरा धोटे (स्वर्ण पदक) , वैदेही बडवाईक (स्वर्ण पदक) , हर्षल कुंभलकर (रजत पदक) , जानवी अंबिलडुके (रजत पदक) , ऋषित मांधरे (रजत पदक) , आदित्य मांधरे (कांस्य मेडल) यश टेंभुर्णे (कांस्य पदक) शिवण्या बोरकर (स्वर्ण पदक) , सांझ गुप्ता (स्वर्ण पदक) , भाग्यश्री दोडके (स्वर्ण पदक) , मान्यता मोठघरे (रजत पदक) , ओम सावरकर (स्वर्ण पदक) , गौरव मदन (स्वर्ण पदक) , सावेरी वासनिक (रजत पदक) या खेळाडुंनी आपल्या कला , कौशल्यपुर्ण व विविध खेळाचे उत्कृष्ट प्रदर्शन करुन एकुण १८ विविध पदक प्राप्त करीत स्पर्धेत द्वितीय क्रमांक पटकावुन कन्हान शहराचे नाव रोशन केले .
शिवशंभु आखाड्याचे कोच अनिकेत निमजे यांचा मार्गदर्शनात दररोज तरुण मुलांना , मुलींना विविध खेळाचे व्यवसायिक प्रशिक्षण दिले जाते . खुप कमी वेळात अनिकेत निमजे यांनी सर्व खेळाडुंना व्यवस्थित प्रक्षिक्षण देऊन तयार केले . त्यांचा प्रयत्नाने व खेळाडुंचा उत्कृष्ट प्रदर्शनाने शिवशंभु आखाड्याचा खेळाडुंनी शिर्डीत राज्यस्तरीय सिलंबम स्पर्धेत चार पदक आणि नगरधन सिलंबम स्पर्धेत अठरा पदक प्राप्त केल्याने परिसरातील नागरिकांन कडुन खेळाडुंवर कौतुकाचा वर्षाव होत आहे .
Comments are closed