India Morning News
नागपूर: 2026 वर्षाची सुरुवात एका अद्भुत खगोलीय घटनेने होणार आहे. 17 फेब्रुवारी 2026 रोजी वर्षातील पहिलं सूर्यग्रहण होईल. हे कंकणाकृती सूर्यग्रहण (Annular Solar Eclipse) असेल, ज्यात सूर्याभोवती अग्नीवलयासारखं तेजस्वी दृश्य दिसणार आहे.
या वेळी चंद्र सूर्याच्या मध्यभागावरून जातो, ज्यामुळे फक्त सूर्याच्या कडा तेजस्वी वलयासारख्या चमकताना दिसतात. हे दुर्मिळ दृश्य अंटार्क्टिका, आफ्रिका, दक्षिण अमेरिका, तसेच पॅसिफिक आणि अटलांटिक महासागराच्या काही भागांतून दिसणार आहे.
भारतासह आशियातील बहुतांश देशांमधून हे ग्रहण दिसणार नाही, त्यामुळे भारतीयांना प्रत्यक्ष दर्शन घेता येणार नाही.
खगोलतज्ज्ञांच्या मते, या सूर्यग्रहणादरम्यान सुमारे 2 मिनिटे 1 सेकंद सूर्याचा प्रकाश पूर्णपणे झाकला जाईल. त्या क्षणी आकाशात दिवसा अंधार पसरल्यासारखा अनुभव मिळेल. या वेळी सूर्याभोवती प्रकाशाचे अद्भुत नमुने आणि वातावरणातील रंगबदल दिसू शकतील.
2026 मध्ये एकूण दोन सूर्यग्रहण होणार आहेत — पहिलं 17 फेब्रुवारीला आणि दुसरं 12 ऑगस्टला. मात्र दोन्ही ग्रहण भारतातून दिसणार नाहीत.
भारतात पारंपरिक श्रद्धेनुसार सूर्यग्रहणाच्या काळात सुतककाल आणि धार्मिक विधींवर बंदी ठेवली जाते, पण या वेळी ग्रहण न दिसल्याने सुतक लागू होणार नाही.
खगोलशास्त्रज्ञांनी सांगितलं की, जरी भारतातून हे दृश्य दिसणार नसले तरी जगभरातील खगोलप्रेमी आणि संशोधक या “अग्नीवलय ग्रहणाचा” अभ्यास करण्यासाठी सज्ज आहेत.
