दसऱ्याच्या मुहूर्तावर सोने-चांदी खरेदी | २६ सप्टेंबर २०२५ चे ताजे दर

Share News:

दसऱ्याच्या मुहूर्तावर सोने-चांदी खरेदी करणार आहात? जाणून घ्या आजचे ताजे दर

मुंबई: दसरा सणाच्या मुहूर्तावर सोने–चांदी खरेदी करण्याची परंपरा आहे. मात्र यंदा मौल्यवान धातूंमध्ये मोठे चढ-उतार पाहायला मिळत आहेत, ज्यामुळे ग्राहक व गुंतवणूकदार गोंधळले आहेत. २६ सप्टेंबर २०२५ रोजी सकाळच्या सत्रात सोन्यात तेजी तर चांदीतही उसळी दिसून आली.

सोन्याचे दर वाढले

वायदे बाजारात (MCX) आज सोन्याचे भाव वाढले. सकाळी ९.३० वाजता प्रति १० ग्रॅम सोने ₹१७४ ने महागले. मागील दोन दिवसांत सोने जवळपास ₹१,२५० ने स्वस्त झाले होते, मात्र आज पुन्हा तेजी आली.

• २४ कॅरेट सोने (१ ग्रॅम): ₹११,४८८

• २२ कॅरेट सोने (१ ग्रॅम): ₹१०,५३०

IBJA नुसार (१० ग्रॅम भाव):

• २४ कॅरेट: ₹१,१३,३५०

• २३ कॅरेट: ₹१,१२,९००

• २२ कॅरेट: ₹१,०३,८३०

• १८ कॅरेट: ₹८५,००१

• १४ कॅरेट: ₹६६,३१०

चांदीचे भाव

२२ सप्टेंबरला चांदीने तब्बल ₹३,००० ची झेप घेतली होती. त्यानंतर किंमती स्थिर राहिल्या. मात्र २६ सप्टेंबर रोजी पुन्हा उसळी घेत वायदे बाजारात १ किलो चांदी ₹१,४३,००० इतकी झाली.
तर IBJA नुसार सराफा बाजारात चांदीचा दर ₹१,३७,०४० प्रति किलो नोंदला गेला.

भाववाढीमागचे कारण

सोने–चांदीतील ही तेजी जागतिक बाजारातील अस्थिरतेमुळे आहे. अमेरिकन फेडरल रिझर्व्हने व्याजदर कपात केल्यानंतर सुरक्षित गुंतवणुकीसाठी सोन्याकडे कल वाढला आहे. वाढत्या मागणीमुळे दर उंचावले असून डॉलर आणि बाँड मार्केटवरही त्याचा परिणाम दिसतो.
तज्ज्ञांच्या मते, ही तेजी काही काळ टिकू शकते. त्यामुळे दसऱ्याला खरेदी करताना ग्राहकांनी बाजारातील चढ-उतार लक्षात घेणे आवश्यक आहे.

Share News: